म्हाराश्ट्र दीन

काय राज्याव, कवा आलाइस? उश्शीर आलाइस काय? न्हाइतरी तुला आनि काय काम आसतंय घरात लेका? च्यायला पोरीबी चांगल्या न्हाइत राव तुमच्या गल्लीत. येक ती राजमान्याची होती, तिला बी भैन मानून मोकळा झालाइस. मं हितं यायचं आनि पारवळ बघायची, खरं का नाय?
बर ते जाउंदे. तू हितं उभारून नुस्ता टायमपास कराइलाइस न्हवे? चल की जरा राडा करून येउ म्हने. कुटं का आसंना च्यामायला? बाइकवरनं नेनाराय न्हवे? तंगड्या तोडाय लावनार नाय काय. आज कोन वार हाय काय म्हायती हाय का न्हाई? ह्यॅ! सोम्वार म्हनं! आरं भाड्या, आज काय पेशल डे हाय काय त्ये इच्चारायलोय मी. ऑं? म्हायती न्हाई? काय केल्तं काय शाळंत तुमी साल्यानो? न्हाइतरी तुमची शाळा तसलीच रडकी म्हना. बर बर, राह्यलं. शाळंला काय म्हनलं की काटं टोचत्यात तुमास्नी.
आरं आज म्हाराश्ट्र दीन हाय म्हनं. त्ये संज्या भेटलेलं पापाच्या तिकटीपाशी. संज्या म्हंजे..त्ये ब्याटरी लावतंय त्ये..हां. मला म्हनलं चल, बिंदू चौकात भाशन हाय. त्येला म्हनलं आमाला काय कामं न्हाइत काय दुसरी? उगाच रं. त्ये बेनं कस्लं काव आनतंय म्हाइत हायच कि तुला. राजीव दिक्शित ह्ये, राजीव दिक्शित त्ये, सोदेशी वापरा, गरिबाची गळचेपी..काय काय लांबड लावत बसतंय उगाच.म्हनलं कट मारायचा त्येला आनि आपल्या ग्रूपमधी यून कायतरी ठरवायचं. कायतरी म्हंजे ह्येच की..प्ल्यॅन करायचा रं येवस्थशीर. गनपतीच्या वेळी कस्ली मजा केलेली का नाय? हां मग? ह्ये बग, आधी आसंच ऐशीनं जायचं बारटक्क्यांच्यात. मामा वळिखत्यात पप्पांस्नी. शिवाजी म्हाराजांचा फोटो अस्तोय रं मोठाच्या मोठा त्यांच्यात. तो उचलायचा, मग तराट रॉकीच्यात जायचं. मागल्या खेपेला त्येनं लाउड्स्पीकरचं पाह्यलेलं न्हवे? आता म्हाराश्ट्र दीन हाय म्हनल्यावर आनि फोटो पाह्यल्यावर त्येच्या घरची लोकं काय न्हाई म्हननार न्हाईत. मोबाइल हाय का नाय तुज्याकडं? अमऱ्याला, सरड्याला तेन फोन मार की जरा. वर्गनीचं बघू म्हने. कोन काय आवाज काढाय लागलं तर जै भवानी जै शिवाजी म्हनायचं जोरात. गनपतीत 'लाउड्स्पीकरच्या आवाजाचा त्रास होतोय' म्हनून ट्यॅंव ट्यॅंव करायलेलं ते खरीकर..दोन दिवस मोटरीच्या टायरीतली हवा निगाली तवा मुकाट बसलं का न्हाई? येवढी देशभक्ती दाखवाय पायजे की त्यानी पन.
जै म्हाराश्ट्र! जै दीन!